CEO MIZORAM LEH DEPARTMENT OF POSTS TEN THAWHHONA THUTHLUNG ZIAK

13

No.2579/2021-2022

Aizawl the 12th October, 2021 : Vawiin khan Chief Electoral Officer, Mizoram leh Department of Posts (DoP), Mizoram ten Elector Photo Identity Cards (EPICs) leh Election Notice-te Speed Post hmanga rang taka thawnchhuah a nih theih nan thawhhona thuthlung (MoU) an ziak. He thawhhona turah hian Election Commission of India-in a rawn angin, Department of Posts pawmpuina ngeia duan Standard Operating Procedures (SoP) te chu Post Master General (PMG), Mizoram leh Chief Electoral Officer, Mizoram ten EPIC leh Notice-te Speed Post hmanga an thawnchhuahnaah an zawm ve ve tur a ni ang.

He MoU hnuaiah hian Post Master General chuan Speed Post services hmanga Epic leh Notice-te him leh rang taka Booking, Transmission leh Door Delivery tih a nih theih nan ruahmanna a siam ang a. EPIC leh Notice zawng zawng te chu cheng 25/- chawiin Speed Post-ah thawn a ni ang a, heng atan hian a bik taka 'barcode' siam leh hman a ni bawk ang. He MoU hi vawiin ni 12.10.2021 atang hmang tanin kum 5 chhung a huam ang a; thuthlung ziaktute rem tihna leh a tul angin pawhsei theih a ni bawk ang.

Memorandum of Understanding (MoU)-ah hian CEO Mizoram office chamber, MINECO-ah Pu P. Jawahar, IAS, Chief Electoral Officer, Mizoram leh Post Master General, Mizoram aiawhin Pu K.T. Sailo, Superintendent of Posts ten an hming an ziak a ni.

Источник