Vawiin chawhnu dar 2:00 khan Serchhip Auditorium-ah Serchhip District Task Force Committee on BBBP buatsaihin, HSLC leh HSSLC a hmeichhe naupang zirlai ti thate chawimawina hun hman a ni.
He hun hi Pu Lawmawma, District Education Officer, Serchhip chuan a kaihruai a. Khuallian Pu Chuauhnuna, Addl. DC Serchhip chuan thusawiin, tunlai khawvelah hmechhiaten dinhmun tha leh sang tak an luah chho mek zel a, hmeichhiate chu zirna kawngah pawh mipa tam takin an tluk loh tan tawh avangin mipate pawhin tan la thar a, tih takzet leh taima taka an zirlaite zir turin zirlai kalkhawmte a chah a. Hrehawmna tello chuan hlawhtlinna a awm thei lo a ni, a ti. District chhunga Hmeichhe Naupang zirlai titha zual thlanchhuahte District Task Force Committee (BBBP) hminga chawimawi an dawngtute chu khawtlang leh ramin an lakah beseina sang tak an neih thu leh a lawmpui thusawiin, an kal leh zelna turah duhsakna a hlan bawk.
Vawiina hmeichhia naupang zirlai titha zual an chawimawi te hi HSLC ah mi 10 leh HSSLC ah mi 10 niin, chawimawina thuziak leh Pawisa fai Rs. 5000 theuh pek anni.
He hunah hian MZP Hrqs. Serchhip leh YMA Sub Hqrs. Serchhip aiawh thusawi ngaihthlak niin, Pu H. Lalhruaitluanga, SDC chuan lawmthu a sawi a. Serchhip khawpui chhunga High School leh Higher Secondary School zirlai leh zirtirtute, Serchhip District Force Committee (BBBP) Committee member an tel a ni.
