Vawiin khan Assembly Committee on Estimate chuan Bethlehem Vengthlang a SIPMIU hnuaia Sewage Treatment Plant sak mek an tlawh a, an hmasawn dante enfiahin an zirchiang nghal bawk.
Member kal te chu Pu K.Pachhunga, Chairman ; Pu H.Lalzirliana, member; Pu C.Lalmuanpuia, Member; Pu Vanlalthlana, Member bakah Assembly Official te Pi Lalnunpuii Renthlei, Under Secretary leh Pu Samuel Saihlupuia Sailo, Committee Officer te an ni.
Committee te hi SIPMIU Programme Director Pu Lalrothanga leh officer dangten an lo dawngsawng a, member te chu Sewage Treatment Plant function dan chipchiar takin an hrilhfiah bakah demonstration an nei nghal a, hemi hnu hian informal meeting neih a nih bakah committee ten zawhna hrang hrangte zawtin inkawmna hun tha tak an nei nghal bawk.
Committee chua Sewerage network hmang tangkai a, a nih dan tur ang taka Treatment Plant a kal theih nan SIPMIU thuneitute chu mipui te hnena awareness nasa zawka kalpui turin a chah bawk a ni.
