New Delhi a cham mek I&PR Minister Pu Lalruatkima chuan nimin khan External Affairs Minister Pi Sushma Swaraj a hmu a, Mizoram chanchin leh international boundary a awm anih avangin Mizoram dinhmun pawimawhna hriaa Sawrkar hma lakna tihchak leh tihpuisui a tul thu te an sawipui a. Sawrkar thara Mizoram chuan beiseina sang tak a neih thu a hrilh bawk a ni.
Nimin vek khan I&PR Minister Pu Lalruatkima chuan Ministry of Rural Development Secretary Pu Amarjeet Sinha chu hmu leh in, a Department enkawl mek Rural Development project thenkhat chungchang a sawipui a, MGNERGA chungchanga delay payment awm thin avanga harsatna tawh thin te, RURBAN Cluster hawn belh te leh Ministry of Rural Development hnuaia project hrang hrang tihhlawhtlin dan tur a sawipui bawk a ni.
Vawiin khan I & PR Minister Pu Lalruatkima chuan Information & Public Relations Department, Treasury Square a NEC sum hmanga, Multi Facility Centre – Lianchhiari Run sak mek, a buaipuitu Ministry, Ministry of Culture Secretary Pu Arun Goel dawrin thil awmzia a sawipui a. Secretary chuan Minister hnenah thil zawhchian ngaite a awm thu hrilhin, Minister chuan an thil hriat duh chu a ranglam thawn anih tur thu a hrilh a, hemi chungchangah hian Minister hian Secretary chu theihtawp chhuahpui turin a ngen a ni.
