Mizoram sawrkarin Lawngtlai District-a accredited journalist-a a thlante chu May ni 28 khan Lawngtlai DIPRO Pu C. Lalhruaitluanga’n a office chamber-ah accredited journalist atana sawrkarin a thlan chhuah thu hrilhin, Press Accreditation Card (PAC) a hlan.
Lawngtlai DIPRO chuan Lawngtlai District-a chanchinbu mite chu thu thar theh darh kawngah an thawh hlawk hle tih sawiin, ram tana an inpekna chu sawrkarin a hria a, accredited journalist-ah mi pariat lai a thlang a ni, a ti a. An hna thawhna leh an khawsaziaah accredited journalist an nihna lang chho deuh deuh se a duh thu sawiin, nasa zawka tan la turin a chah.
Lawngtlai District MJA President Pu ZD Dengngura pawhin thu sawiin, District mal anga chhuta Lawngtlai District chu chawhruala accredited journalist tamna an ni chu lawmawm a tih thu a sawi a. Sawrkarin chanchinbu mite hmakhua ngai a, kawng hrang hranga a chhawmdawl thin chu lawmawm a tih thu sawiin, Press Accreditation Card chu anmahni chhinchhiahna mai a ni a, accredited journalist nihna dik tak chu a mihringah a awm zawk a ni, a ti.
Lawngtlai District-ah hian Mizoram Journalists’ Association (MJA) member pakua awmin, he’ng zinga pariat chu State sawrkarin accredited journalist-a a pawm te an ni a. He PAC hi March 2021 thleng a nung dawn a ni.
