Mizoram Sawrkar hnuaia Agriculture etc changtu Minister Pu C Lalrinsanga leh FCS&CA etc changtu Minister Pu K Lalrinliana te chuan vawiin khan Agriculture potential area te zir chiangin Kolasib leh Bairabi inkara leilet leh farm te an tlawh kual.
Minister pahnih te hi Agriculture leh Irrigation & water Resources Department lama mithiam ten tawiawm in buh phun/tuh/chin dan hlawk zawk, tui lak dan tur te bakah zau/leilet te chu an theihna phochhuak khawpa hman tangkai dan tur te an sawiho a, kolasib District Potential nei tha tak chu awmze nei zawka hmalak chuan Mizoram tana malsawmna thlentu a nih theih dan te an sawiho. Rice mill tura hmunhma duan te chu tlawh nghalin hmalakna kal mek te an thlir ho bawk a ni.
Hemi bakah hian Pangbalkawn leh Meidum khua a sawrkar sikul te tlawh in heng Sikul ten harsatna an tawh hrang hrang chungchang te an sawiho a, thawm that ngai lai te an enkual bawka hmalak dan tur kawng hmang te sawiin, sikul ten an hman tur computer set chu kolasib khawpuia sikul te chhiar tel in set nga (5) an sem bawk a ni.
