Vawiin khan Directorate of Economics and Statistics Conference Hall ah 7th Economics Cencus atan Aizawl District huam chhunga Supervisor leh Enumerator te Trainning neih a ni.
He programme hi Pu F.Ronguauva (Inspector of Statistic, Aizawl Dist) in a kaihruai a. Pu F. Ronguauva hian 7th economics cencus a pawimawh zia leh hlutzia te tarlang in Supervisor leh Enumerator te tha taka hna thawk turin a chah a. Mr B Lalrinhlua (Deputy Director , Directorate of economics and statistic Dept, Aizawl) in fuihna thu tha tak tak a sawi a. Fimkhur leh uluk taka Survey turin kalkhawm te a chah bawk a ni.
Statistic Department aiawh in Mr J Ramdinmawia’n Presentation on overview of the 7th Economics Cencus a pe a. CSC E Goverance service India atangin District manager pahnih Lallhlimpuia Kawlni leh Vanlalremkima Ralte ten training an pe bawk a ni.
7th Economics Cencus hi Ministry of Statistics and Programme Implementation leh CSC E-goverance Service India te tangkawp hmalakna a tel tur ni in . State lamah Department of economics and statistics kaihhruaina hnuaiah CSC ten Cencus hi an buaipui ang a, Aizawl District ah chuan June thla laihawl ah Cencus hi tan tum a ni.
Trainning Programmee hi chawhma lamah Aizawl khaw pawn lam tan buatsaih a ni a. Chawhnu lamah Aizawl khaw chhung bik tan buatsaih a ni . He hunah hian Mi 250 vel zet an tel thei nghe nghe a ni.
