Chief Minister Pu Zoramthanga chuan vawiin khan Lengpui Airport
ah kalin Airport tihchangtlunna tura hmalakna kal mek te enpuiin, ruahmanna
siamte chu Airport Authority of India (AAI) aiawhte leh Aviation Department
hotute nen an sawiho.
Lengpui Airport tihchangtlunna tura hmalakna kal mekte chu –
(i) Extension of Apron: Thlawhna park-na area zauhna;
(ii) Isolation Parking Bay: Thlawhna hijack emaw chhiatna dang a
thlen thula airport a thlawhna dang tibuai lova a hranga park tirna tur hmun
siam;
(iii) Runway End Safety Area (RESA): Thlawhna thlawk chhuak tur
engine fail a awm palh pawha accident a thlen loh nana runway tawpa zawl thui
zawka siam;
(iv) Additional DVOR: DVOR (Doppler Very High Frequency Omni
Range) hi Long Range Navigational Aid a ni a. Runway bul a awm mek bakah hian
Airport bul lawk Hmunpui khua tlangchhip a vuah tura hmalak mek a ni.
Heng hmalakna hrang hrang pali te hi kum kalta atanga hmalak tan
niin tunah hian DONER Ministry atanga sum hmuhin a daih loh avanga la zawh loh
a ni a. State atangin sum engzat nge he hna zo tur hian sen belh ngai dawn tih
te thlithlai nghal a ni.
Heng bakah hian, Runway tihsei belh theih dan tur Ieh, Runway
surface khawk tawh Ieh rualrem lo Iai te cheithat dan tur te a hmunah Chief
Minister hian a en nghal a. DVOR thar bunna tur Hmungpui tlang a mi pawh a
hmunah a kalin a en a ni.
Chief Minister hi Principal Consultant, Aviation Wing Ieh PWD,
P&E Ieh PHE atangin senior official ten an tawiawm bawk a ni.
